மன உளைச்சல் நீங்கி நிம்மதி பெருகுவதற்கான வழிகள்

 

உலகில் கவலைகள் இல்லாத எந்த மனிதரும் இல்லை. பிறப்பு முதல் இறப்பு வரை மனித வாழ்க்கையில் கவலைகள் தொடர்ந்து இருந்து கொண்டே இருக்கும். கவலைகள் பலவிதம். ஒவ்வொன்றும் ஒரு விதம். ஒவ்வொரு மனிதனுக்கும் ஒவ்வொரு கவலை. தேர்வில் வெற்றி பெற வேண்டும் என்று மாணவனுக்கு கவலை.கல்விப் பயணத்தை முடித்தவனுக்கு தகுந்த வேலை கிடைக்க வேண்டும் என்ற கவலை. நல்ல வேலை கிடைத்து விட்டால் வாழ்க்கையில் செட்டில் ஆக வேண்டுமே என்ற கவலை ,செட்டில் ஆகி விட்டால் கல்யாணம் செய்ய வேண்டுமே என்ற கவலை, கல்யாணம் செய்து விட்டால் குழ்ந்தை பிறக்க வேண்டுமே என்ற கவலை,குழந்தை பிறந்தால் அதை நல்ல வளர்க்க வேண்டுமே என்ற கவலை. அதற்குப் பிறகு அவர்களை படிக்க வைக்க வேண்டும், அவர்கள் நல்ல மார்க் வாங்க வேண்டும், அவர்கள் நல்ல பணியில் சேர வேண்டும், அவர்களுக்கு திருமணம் செய்து வைக்க வேண்டும். இப்படி கவலைகள் மரணம் வரை நம்மை விடாது துறத்திக் கொண்டே இருக்கும்.

கவலை இல்லாத மனிதர்கள் என்று இந்த உலகத்தில் யாரும் இல்லை. ஒவ்வொருவருக்கும் ஏதோ ஒருவகையில், ஏதோவொன்று கவலையாக இருக்கும். பணம் இல்லை என்பது ஏழைகளின் கவலை. பணமிருந்தும் நிம்மதி இல்லையே என்பது செல்வந்தர்களின் கவலை. ‘அட... இதெல்லாம் ஒரு விஷயமா... இதுக்குப் போய் கவலைப்படுறீங்களே’ என்று நாம் இன்னொருவருக்குச் சமாதானம் சொல்வோம். பிறகு அதே விஷயத்துக்கு நாமே கவலை கொள்வோம்.

மனித வாழ்வில் கவலை என்பது இயல்பானது. ஆனால் அந்தக் கவலை மிகைத்து மன உளைச்சல்,மன அழுத்தமாக மாறி விடக்கூடாது. அவ்வாறு மாறி விட்டால் மனிதன் நிலை தடுமாறி தவறான முடிவுகளை கையில் எடுக்க ஆரம்பித்து விடுவான். வாழ்க்கை தவறான பாதையில் பயணிக்கத் தொடங்கும். முக்கியமான நேரங்களில் முடிவுகளை எடுக்க முடியாமல் அவன் தடுமாறுவான்.

 

மன அழுத்தத்தின் பாதிப்புகள்

 

மன அழுத்தத்தை மிகச் சாதரணமாக எடுத்துக்கொள்கிறாம். ஆனால் தொடர் மன அழுத்தத்தால் பல உடல்நலப் பிரச்னைகள் உருவாகும். செரிமானக் கோளாறுகள் முதல் இதய நோய், பக்கவாதம் எனப் பல்வேறு நோய்களுக்கும் மன அழுத்தத்திற்கும் நேரடித் தொடர்பு உள்ளது” என்கிறார் கீழ்ப்பாக்கம் அரசு மனநல காப்பகத்தின் பேராசிரியர், மருத்துவர் பூர்ணா சந்திரிகா.

மற்றும் இது குற்ற உணர்விற்கு வழிவகுக்கும். ஒரு சிறிய தவறு நடந்தால் கூட இதற்குக் காரணம் நான் தான் என தன் மீதே பழி போட்டுக்கொள்வார்கள். இறுதியில் தற்கொலை எண்ணங்கள் உருவாகத் தொடங்கும்.

தற்கொலை செய்துகொள்பவர்கள் ஒருநாளில் அந்த முடிவை எடுப்பதில்லை. பல நாட்கள் அவர்கள் மன அழுத்தத்தால் அவதிப்பட்டிருப்பார்கள். ஆனால் அதை யாரிடமும் சொல்லாமல் அல்லது சொல்ல யாரும் இல்லாமல், அந்த முடிவை எடுத்திருப்பார்கள்.

 

இந்தியன் ஜர்னல் ஆஃப் சைக்கியாட்ரி என்னும் மருத்துவ இதழ் (Indian Journal of Psychiatry) மனநலப் பிரச்னைகள் குறித்து மக்கள் என்ன நினைக்கிறார்கள் என ஆய்வு நடத்தியது. அதில் பதிலளித்தவர்களில் 47% பேர் மனநோயால் பாதிக்கப்பட்டவர்கள் வன்முறையாளர்களாக இருப்பார்கள் என நம்புகின்றனர், மேலும் 60% பேர் மனநோயைத் தனிப்பட்ட பலவீனத்தின் அறிகுறியாகக் கருதுகின்றனர்.

இந்தியாவில் இளைஞர்களிடையே மனநலப் பிரச்னைகள் அதிகரித்து வருகின்றன என ஆய்வுகள் கூறுகின்றன. இன்டர்நேஷனல் ஜர்னல் ஆஃப் மென்டல் ஹெல்த் சிஸ்டம்ஸ் (International Journal of Mental Health Systems) ஆய்வின்படி, 13-17 வயதுடைய இந்திய இளம் பருவத்தினரில் 7.3% பேர் குறிப்பிடத்தக்க மனநலப் பிரச்னைகளால் பாதிக்கப்படுகின்றனர்.

قال ابن القيم رحمه الله: "أربعة تهدم الجسم: الهم والحزن، والجوع، والسهر

துக்கம்,கவலை,பசி,இரவு கண் விழிப்பு இவை நான்கும் உடலை சிதைத்து விடும் என்று இப்னுல் கய்யிம் ரஹ் அவர்கள் கூறுவார்கள்.

வாழ்க்கையில் கவலை இருக்கலாம்.ஆனால் வாழ்க்கையே கவலையாகி விட்டால் அந்த கவலையே மனிதனை அழித்து அவனை இல்லாமல் ஆக்கி விடும். உலகில் ஒரு வருடத்திற்கு சுமார் 8 லட்சம் பேர் தற்கொலை செய்து கொள்வதாக உலக சுகாதார மையம் தெரிவிக்கிறது.

சமயங்களில் பெரிய மன அழுத்தம் வன்முறைச் செயல்கள் செய்வதைத் தூண்டும். இரு தினங்களுக்கு முன்பு ஆம்பூர் பகுதியில் ஒரு இஸ்லாமியப் பெண் அவளது 3 மாதக் குழந்தையை கொன்ற செய்தி ஊடகங்களில் வந்தது. காரணம் கேட்ட போது மூன்று குழந்தைகளை வளர்க்க முடிய வில்லை. தூங்குவதற்குக் கூட நேரம் கிடைப்பதில்லை. அதனால் ஏற்பட்ட மன உளைச்சலால் தான் என் குழந்தையைக் கொன்றேன் என்று கூறினாள்.

குழந்தையைக் கொன்ற பெண்

இரக்கத்திற்கே உதாரணமாக சொல்லப்படுகின்ற ஒரு தாய், தன் குழந்தையைக் கொல்வதற்கும் மன அழுத்தம் காரணமாகி விடுகின்றது என்கின்ற போது அதன் ஆபத்தையும் அபாயத்தையும் நம்மால் புரிய முடிகின்றது.

அதே போன்று கள்ளக்குறிச்சி மாவட்டம் திருக்கோவிலூர் என்ற ஊரில் ஷாஹிதா பேகம் என்ற பெண்மனி SIR பணிச்சுமையால் மன அழுத்தத்திற்குள்ளாகி தூக்கிலிட்டு தற்கொலை செய்து கொண்ட செய்தியையும் ஊடகங்களில் பார்க்க முடிந்தது.

ஷாஹிதா பேகம் தற்கொலை

சிந்திக்க விடாமல் தடுக்கும் மன அழுத்தம்

வீடுகளில் எலி தொல்லை அதிகமாகி விட்டால் எலிப் பொறி வைத்து அதை பிடிப்போம். மரக்கட்டையால் செய்யப்பட்ட அந்த பொறியில் மாட்டிக்கொண்ட எலி வெளி வர முடியாமல் தவிக்கும். ஆனால் உளவியல் ஆய்வின் படி எலி தன் கூர்மையான பற்களை வைத்து சிமெண்ட் மூலம் கட்டப்பட்ட சுவரைக் கூட குடைந்து விடும் ஆற்றல் எலிக்கு உண்டு. எனவே சாதாரணமான மரக்கட்டையை கொறித்து அதில் இருந்து தப்பிப்பது அதற்கு சாதாரண விஷயம். ஆனால் பொறியில் மாட்டிக்கொண்டு விட்டோமே! இதற்குப் பிறகு நமக்கு அழிவு தான் என்ற கவலையும் அதனால் ஏற்படும் மன அழுத்தமும் எலியை மேற்கொண்டு சிந்திக்க விடாமல் தடுக்கிறது. முயற்சி செய்ய விடாமல் அந்த கவலை தடைக்கல்லாக வந்து நிற்கிறது. இறுதியில் உயிரை விடுகிறது. எனவே எலி மாட்டிக்கொண்டது பொரியில் அல்ல. கவலையில் தான்.

பெரும் பெரும் சாணக்கியர்களையும் இந்த கவலை விட்டு வைக்க வில்லை. மாவீரன் நெப்போலியன் உலகமே கண்டு பயந்து உயர்ந்த ஒரு பேரரசன். எதிர் காலத்தில் சிறைபிடிக்கப்பட்டு தனித்தீவில் சிறையில் அடைக்கப்பட்டான். அங்கே வேலை செய்த பணியாளன் ஒருவன் அரசனுக்கு தனிமையின் வேதனை தெரியாமல் இருக்க சதுரங்க விளையாட்டு பெட்டியை நெப்போலியனுக்கு கொடுத்தான். அதனை வாங்கி நெப்போலியன் சிறைப்பட்ட கவலையில் மூளையில் தூக்கி எறிந்து விட்டான். கவலையின் உச்சகட்டத்திற்கு சென்று விட்ட நெப்போலியன் அந்த சிறையிலேயே உயிரை விட்டான். சதுரங்க பெட்டியைக் கொடுத்த அந்த பணியாளர் மிகுந்த கவலையோடு அதனை நெப்போலியன் அறையில் இருந்து எடுத்தார். அந்த சதுரங்க விளையாட்டு பெட்டியின் பின்புறம் சிறையில் இருந்து தப்பிப்பதற்கான வழியை வைத்து நெப்போலியனுக்கு கொடுத்திருந்தார். ஆனால் ஒரு முறை கூட இதனை முழுவதுமாக எப்பொழுதும் உற்றுப் பார்க்க வில்லையே என்று வேதனைப்பட்டார்.

இதே நிலை தான் நமக்கும். கவலையும் மன உளைச்சலும் அதிகமாகி சரியான முடிவு எடுக்க முடியாமல் திணறி சரியான வழி அருகில் இருந்தும் அதனை பெற்றுக் கொள்ள முடியாமல் கவலையுடனே காலத்தை கடத்தி விடுகிறோம்.

ஒரு காட்டில் குரங்குகள் பல கூட்டமாக இருந்தன. அவற்றின் சுட்டித்தனம் செய்யும் ஒரு குட்டி குரங்கும் இருந்தது. ஒரு நாள் அந்த குட்டிக் குரங்கு தரையில் ஊர்ந்து சென்று கொண்டிருந்த பாம்பை விளையாட்டாக கையில் பிடித்துக் கொண்டது. அது பெரிய நச்சு பாம்பு. பிடிபட்ட பாம்பு குரங்கின் கையை இறுக்கமாக சுற்றிக் கொண்டது. எந்த குரங்கும் அதை காப்பாற்ற முன்வரவில்லை. இது பயங்கரமான விஷமுள்ள பாம்பு. இது கடித்தால் உடனே மரணம் தான். உன் கையை எடுத்ததும் அது உன்னை கொத்தி விடும் என மற்ற குரங்குகள் சுற்றி அந்த குரங்கிற்கு அச்சத்தை ஏற்படுத்தின. அந்த குட்டிக் குரங்கு பாம்பை பிடித்த படியே இருந்தது. அவ்வழியாக சென்ற ஒரு பெரியவர் இதைக் கண்டார். அந்த குரங்கின் அருகில் வந்து அதன் கையில் இருந்து அந்த பாம்பை எடுக்க முயன்றார். அது அந்த பாம்பை விட மறுத்தது. பின்பு ஒரு வழியாக அந்த பாம்பை பிடுங்கி தூற எறிந்தார். அந்த பாம்பு செத்து வெகு நேரம் ஆகியிருந்தது. பயத்தினாலும் கவலையினால் அந்த குரங்கிற்கு அது தெரியாமல் போய் விட்டது.

இன்று பலரும் இப்படித் தான். மனக்கவலை என்ற செத்த பாம்பை பிடித்து வைத்துக் கொண்டு விட முடியாமல் கதறி கொண்டிருக் கிறார்கள்.அதனால் வாழ்க்கையைத் தொலைத்து விடுகிறார்கள்.

 

மன அழுத்தத்திலிருந்து விடுபடுவதற்கான வழிகள்

1.கிடைக்காமல் போன ஒன்றிற்காக கவலைப்படக்கூடாது. நாம் எதிர் பார்த்த விஷயம் நடக்க வில்லை என்பதற்காக வருந்தக்கூடாது. அந்த வருத்தமும் கவலையும் நாளடைவில் மன அழுத்தமாக மாறி பல்வேறு பாதிப்புகளை ஏற்படுத்தி விடுகின்றது. எது நமக்கு கிடைத்ததோ அது நமக்கு நன்மையானது. கிடைக்காமல் போனவை நமக்கு ஆபத்தை ஏற்படுத்தக்கூடியவை. அல்லாஹ் அதனைத் தடுத்து அதன் ஆபத்திலிருந்து நம்மைப் பாதுகாத்து விட்டான் என்று உணர வேண்டும். இந்த உணர்வு கவலையிலிருந்து நம்மைப் பாதுகாக்கும்.

 

கிடைக்காமல் போனவற்றிலும் நிச்சயம் ஒரு நன்மை இருக்கும்

اِنَّا فَتَحْنَا لَكَ فَتْحًا مُّبِيْنًا ۙ‏

(நபியே! ஹுதைபிய்யாவின் சமாதான உடன்படிக்கையின் மூலம்) நிச்சயமாக நாம் உங்களுக்கு (மிகப்பெரிய) தெளிவானதொரு வெற்றியைத் தந்தோம். (அல்குர்ஆன் : 48:1)

ஹிஜ்ரி ஆறாம் ஆண்டு நபிகள் நாயகம் ﷺ அவர்கள் 1400 சஹாபாக்களை அழைத்துக் கொண்டு உம்ரா செய்வதற்காக மக்காவை நோக்கி கிளம்பினார்கள். அங்கே மக்காவாசிகள் அவர்களைத் தடுத்து நிறுத்துகிறார்கள். அங்கே ஹுதைபியா என்ற இடத்தில் உடன்படிக்கை கையெழுத்தானது.அப்போது இறங்கிய வசனம் தான் இது.

உம்ரா செய்ய விடாமல் தடுக்கப்பட்டதும் அந்த ஒப்பந்தத்தில் ஏமாற்றமளிக்கும் விஷயங்கள் இடம்பெற்றிருந்ததும் நபித்தோழர்களுக்கு பெரும் கவலையை ஏற்படுத்தியது. ஆனால் அதில் அல்லாஹ் பெரிய நன்மைகளை வைத்திருந்தான்.

இந்த ஒப்பந்தம் ஏற்படுவதற்கு முன்பு முஸ்லிம் களுக்கும்,  குரைஷிகளுக்கும் இடையே போர் மயமான சூழலே நிலவி வந்தது. இரு பிரிவினரும் ஒருவரை ஒருவர் சந்தித்துக் கொள்ளும் சந்தர்ப்பமோ, வாய்ப்போ அறவே இல்லாத நிலை இருந்தது. இந்தச் சமாதான உடன்படிக்கை இத்தகைய சூழ்நிலைக்கு முடிவு கட்டி விட்டது. இப்போது முஸ்லிம்களும், முஸ்லிம் அல்லாதவர்களும் ஒருவரை யொருவர் சந்திக்கத் தொடங்கினார்கள். அவர்களுக்கு இடையே குடும்ப மற்றும் வர்த்தகத் தொடர்புகள் ஏற்பட ஆரம்பித்தது. முஸ்லிம் அல்லாதவர்கள் எந்தவித தயக்கமோ பயமோ இல்லாமல் மக்காவிலிருந்து மதீனாவிற்கு வந்தனர். பல நாட்கள் பல மாதங்கள் அங்கு தங்கி முஸ்லிம்களுடன் பழகினார்கள். எந்த நல்லடியார்களுடன் நாம் போரை விலைக்கு வாங்கிக் கொண்டிருந்தோமோ, அவர்களின் உள்ளங்களில் பகை உணர்வோ, வெறுப்போ இல்லை என்பதை உணர்ந்து கொண்டனர். இதனால் முஸ்லிம் அல்லாதவர்கள் தாமாகவே இஸ்லாத்தின் பக்கம் ஈர்க்கப்பட்டனர். குரைஷித் தலைவர்கள் அவர்களின் உள்ளங்களில் விதைத்திருந்த தவறான எண்ணங்கள் தாமாகவே மறையத் தொடங்கின.

இந்த ஒப்பந்தத்திற்கு முன்பு முஸ்லிம்களின் எண்ணிக்கை 1400 ஆக இருந்தது. இந்த ஒப்பந்தத்திற்குப் பிறகு இரண்டு ஆண்டுகள் கழித்து மக்கா வெற்றி கொள்ளப்பட்ட போது முஸ்லிம்களின் எண்ணிக்கை பத்தாயிரமாக உயர்ந்தது. இதே காலகட்டத்தில் தான் குரைஷிகளின் புகழ் பெற்ற தலைவர்கள் சிலர் இஸ்லாத்தினால் கவரப்பட்டு, முஸ்லிம் அல்லாதவர்களிடம் இருந்து ஒதுங்கி, முஸ்லிம்களின் நண்பர்களாய், உற்ற துணைவர்களாய் மாறினார்கள். காலித் பின் வலித், அம்ரு பின் ஆஸ், உஸ்மான் இப்னு தல்ஹா ரலி ஆகியோர் இஸ்லாத்தில் இணைந்தனர். இந்த ஒப்பந்தத்தின் படி, பத்தாண்டுகளுக்குப் போரை நிறுத்திக் கொள்வது முஸ்லிம்களுக்கு கிடைத்த மாபெரும் வெற்றியாகும்.

எனவே கிடைக்க வில்லையே!  நடக்க வில்லையே! என்று நாம் கவலைப்படும் விஷயங்களிலும் அல்லாஹ் ஏதோ ஒரு நன்மையை வைத்திருப்பான். இதை உணர்ந்து கொண்டால் போனதை நினைத்து வருத்தங்களும் ஏற்படாது. மன உளைச்சலுக்கும் வழிவகுக்காது.

 

2.விதியை பொருந்திக் கொள்ள வேண்டும். இருப்பதைக் கொணடு போதுமாக்கிக் கொள்ள வேண்டும்.இந்த தன்மை இல்லாமல் போனதினால் தான் சின்ன நெருக்கடிகளும் சிரமங்களும் வரும் நேரத்தில் மனிதன் விரக்தியடைகின்றான். என்னை மட்டும் இறைவன் சோதிக்கின்றான் என கவலை கொள்கின்றான். மன அழுத்தத்திற்கு உள்ளாகின்றான்.  

அல்லாஹ் நாடியதைத்தவிர வேறு எதுவும் நடக்காது என்பதும் நமக்கு அல்லாஹ் எழுதிய ரிஸ்கில் அனுவளவும் குறையாது என்பதும், நமக்கு அல்லாஹ் நியமித்த தவனையில் கூடுதல் குறைவு ஏற்படாது என்பதும் நாம் அத்தனை பேரும் அறிந்திருக்கிறோம்,நம்பியிருக்கிறோம். இருந்தாலும் அதில் ஒரு சின்ன தடுமாற்றம், சின்ன பலவீனம். அது தான் நம் கவலைக்கான காரணம்.

عن عُبَادَةَ بْنِ الصَّامِتِ رضي الله عنه: أنَّ رَجُلًا أَتَى النَّبِيَّ صلى الله عليه وسلم فَقالَ : يَا نَبِيَّ اللَّهِ، أَيُّ الْعَمَلِ أَفْضَلُ؟ قَالَ : «الْإِيمانُ باللَّهِ، وتصديقٌ به، وجهاد فِي سبيله، قال : أريدُ أهونَ من ذلك يا رسول اللَّه، قال: السماحةُ والصبرُ، قال: أريدُ أهونَ من ذلك يا رسول اللَّه، قال: لا تتَّهِمِ اللَّهَ تبارك وتعالى في شيء قَضَى لك به

ஒரு மனிதர் நபி ﷺ அவர்களிடம் அமல்களில் சிறந்தது எது என்று கேட்டார். அல்லாஹ்வை நம்புவது, அவனை உண்மைப்படுத்துவது, அவனுடைய பாதையில் போரிடுவது என்றார்கள். இதை விட இலேசானதை விரும்புகிறேன் என்றார். அப்படியானால் பெருந்தன்மையும் பொறுமையும் என்றார்கள். இதை விட இலேசானதை எதிர் பார்க்கிறேன் என்றார்கள். அப்படியானால் அல்லாஹ் உன் விதியில் எழுதிய எதிலும் அல்லாஹ்வின் மீது சந்தேகம் கொள்ளாதே என்றார்கள். (முஸ்னத் அஹ்மத் : 5/318)

சந்தேகம் கொள்ளாதே என்பதற்கு பொருள், உன் விதியில் எழுதப்பட்டது நிச்சயம் உனக்கு கிடைக்கும் என்பது. அல்லாஹ் உன் விதியில் தீயதை எழுதி விட்டான் என்று நினைக்காதே அல்லாஹ் விதித்த அனைத்தும் நன்மையானது என்று நம்பிக்கை கொள் என்று பொருள் கூறப்படுகிறது.

அல்லாஹ் விஷயத்தில் நம் எண்ணங்களை அழகாக்கிக் கொள்ள வேண்டும். இறைவன் என்னை வீணாக்க மாட்டான்.இறைவன் என் விஷயத்தில் அநீதம் இழைக்க மாட்டான் என்று இறைவன் மீது அபார நம்பிக்கை வேண்டும்.அந்த உண்மையான நம்பிக்கை வந்து விட்டால் ஸஹாபாக்களைப் போன்று நம் வாழ்க்கையும் வசந்தமாகும்.

بينا النَّبيُّ صلَّى اللَّهُ عليهِ وسلَّمَ جالسٌ وعندَه أبو بَكرٍ الصِّدِّيقُ وعليهِ عباءةٌ قد جلَّلَها على صدرِه بِجِلالٍ إذ نزلَ عليهِ جبريلُ عليهِ السَّلامُ فأقرأَه منَ اللَّهِ السَّلامَ وقالَ يا رسولَ اللَّهِ ما لي أرى أبا بَكرٍ عليهِ عباءةٌ قد جلَّلَها على صدرِه بجِلالٍ قال يا جبريلُ أنفقَ مالَه عليَّ قبلَ الفتحِ قال فأقرِئهُ منَ اللَّهِ السَّلامَ وقل لهُ يقولُ لَك ربُّكَ أراضٍ أنتَ عنِّي في فقرِك هذا أم ساخِطٌ فالتفتَ النَّبيُّ صلَّى اللَّهُ عليهِ وسلَّمَ إلى أبي بَكرٍ فقال يا أبا بَكرٍ هذا جبريلُ يقرئُك السَّلامَ منَ اللَّهِ ويقولُ أراضٍ أنتَ عنِّي في فقرِك هذا أم ساخطٌ فبَكى أبو بَكرٍ وقالَ أعلى ربِّي أغضبُ أنا عن ربِّي راضٍ أنا عن ربِّي راضٍ

பெருமானார் ஸல் அவர்களுடன் அபூபக்கர் சித்தீக் ரலி அவர்கள் அமர்ந் திருந்தார்கள்.அவர்கள் உடுத்துவதற்கு வேறு ஆடையின்றி மேனியில் ஒரே ஒரு துண்டை மட்டும் போட்டிருந்தார்கள். அந்நேரம் ஜிப்ரயீல் அலை அவர்கள் வருகை தந்து ஏன் உங்கள் நண்பர் அபூபக்கர் மேனியில் வெறும் துண்டை மட்டும் அணிந்திருக்கிறார் என்று கேட்டார்கள்.அவர் தன்னிடம் இருந்த பொருள் அனைத்தையும் அல்லாஹ்வின் பாதையில் கொடுத்து விட்டார்கள்.இப்போது அவரிடம் எதுவும் இல்லை என்றார்கள்.அவரிடம் அல்லாஹ்வின் ஸலாமை சொல்லி விடுங்கள்.இந்த நிலையிலும் அபூபக்கர் என்னை திருப்தி கொள்கிறாரா இல்லை அதிருப்தி கொள்கிறாரா என்று அல்லாஹ் கேட்டான் என்று ஜிப்ரயீல் அலை அவர்கள் சொன்னார்கள்.அதைக் கேட்டதும் அபூபக்கர் ரலி அவர்கள் அழு கொண்டே நான் என்னைப் படைத்த ரப்பை அதிருப்தி கொள்வேனா ! நான் அவனை இப்போதும் பொருந்திக் கொள்கிறேன் பொருந்திக் கொள்கிறேன் என்றார்கள். {ஹுல்யதுல் அவ்லியா}

 

எல்லா நிலையிலும் அல்லாஹ்வை பொருந்திக் கொள்ள வேண்டும். அது நிம்மதியான வாழ்விற்கான அடிப்படை.

راى ابراهيم ابن ادهم رجلا مهموما فقال له ايها الرجل انى اسالك عن ثلاثة اشياء فاجبنى قال الرجل نعم قال ابراهيم : ايجرى فى هذا الكون شيئا لا يريده الله قال كلا قال افينقص من رزقك شيئا قدره الله لك قال : لا قال افينقص من عمرك يوم كتبه الله لك فى الحياة ؟ قال كلا فقال له ابراهيم بن ادهم فلما الهم اذن

இப்ராஹீம் பின் அத்ஹம் ரஹ் அவர்கள் கவலையான ஒரு மனிதரைக் கண்டார்கள். நான் உன்னிடம் மூன்று கேள்விகளைக் கேட்கிறேன். நீ பதில் சொல் என்றார்கள். இந்த உலகில் அல்லாஹ்வின் நாட்டம் இல்லாமல் எதுவும் நடக்குமா ? அவர் இல்லையென்றார். அல்லாஹ் உன் விதியில் எழுதிய ரிஸ்கில் எதுவும் குறையுமா ? இல்லையென்றார். அல்லாஹ் உனக்கெழுதிய ஆயுளில் ஒரு நொடிப்பொழுதேனும் குறையுமா ? இல்லையென்றார் அவர். பிறகு எதற்கு கவலை என்று இப்ராஹீம் பின் அத்ஹம் ரஹ் அவர்கள் கேட்டார். (அல்விகாயது மின் குல்லி தாயின்)

 

3. தவக்குல் – அல்லாஹ்வின் மீது அபாரமான நம்பிக்கை. அல்லாஹ் என்னோடு இருக்கின்றான். நிச்சயம் அவன் என்னை கை விட மாட்டான் என்று நம்ப வேண்டும். இந்த நம்பிக்கை வந்து விட்டால் எந்த பாதகமான சூழ்நிலைகளும் நம்மை கவலை கொள்ளச் செய்யாது. நிலை தடுமாறச் செய்யாது.

மூஸா நபி அலை அவர்கள் தன் சமூக மக்களை அழைத்துக் கொண்டு புறப்பட்டார்கள். இதை அறிந்த ஃபிர்அவன் பெரும் படையை திரட்டிக் கொண்டு அவர்களை பின் தொடர்ந்து வந்தான். ஒரு கட்டத்தில் மூஸா நபி அவர்களால் முன்னேறிச் செல்ல இயல வில்லை. கடல் குறிக்கிட்டது. முன்னால் கடல்! பின்னால் ஃபிர்அவ்னின் படை! இருபுறத்தில் எந்தப் பக்கம் சென்றாலும் ஆபத்து. மூஸா நபியவர்களை நம்பிக்கை கொண்டிருந்த மக்கள், “நாம் ஃபிர்அவ்னால் பிடிக்கப்பட்டு விடுவோம்” என்று கவலையுற்றார்கள். ஆனால், மூஸா நபியவர்களின் மன நிலையோ மிக உறுதியாக இருந்தது. புயல் அடித்தும் கம்பீரமாய் நிற்கும் ஆலமரமாய் இருந்தது அவர்களின் ஈமான்.

فَلَمَّا تَرَآءَ الْجَمْعٰنِ قَالَ اَصْحٰبُ مُوْسٰٓى اِنَّا لَمُدْرَكُوْنَ‌‏

இவ்விரு கூட்டத்தினரும் ஒருவரையொருவர் கண்ட பொழுது "நிச்சயமாக நாம் அகப்பட்டுக் கொண்டோம்" என்று மூஸாவுடைய மக்கள் கூறினார்கள். (அல்குர்ஆன் : 26:61)

قَالَ كَلَّا‌‌  اِنَّ مَعِىَ رَبِّىْ سَيَهْدِيْنِ‏

அதற்கு (மூஸா) "அவ்வாறன்று. நிச்சயமாக என்னுடைய இறைவன் என்னுடன் இருக்கின்றான். (நாம் தப்பிக்கும்) வழியை நிச்சயமாக அவன் நமக்கு அறிவிப்பான்" என்றார். (அல்குர்ஆன் : 26:62)

ஆபத்து சூழ்ந்திருக்க வேளையில் எந்த பக்கமும் தப்பிக்க முடியாத இக்கட்டான நேரத்தில் சந்தர்ப்பங்களும் சூழலும் தனக்கு எதிராக இருக்கும் நிர்க்கதியான நிலையில் ஒருவன் நிச்சயம் அச்சப்படுவான். அதுவும் தன்னை மட்டுமல்ல தன்னை நம்பி வந்த சமூகத்தையும் காப்பாற்ற வேண்டும் என்ற கட்டம் வரும் போது யாராக இருந்தாலும் பதற்றம் அடைவார்கள்.ஆனால் 6 இலட்சம் பேரை காப்பாற்றி கரை சேர்க்க வேண்டிய மாபெரும் பொறுப்பில் இருந்தும் கொஞ்சமும் பதறாமல் கலங்காமல் இறைவன் என்னோடு இருக்கிறான். அவன் வழிகாட்டுவான் என்று சொன்னதன் மூலம் உண்மையான இறை நம்பிக்கைக்கு முன்னுதாரணமாக மூஸா நபி அலை அவர்கள் இருந்தார்கள்.

وعلى الله فتوكلوا إن كنتم مؤمنين

நீங்கள் இறைவிசுவாசம் கொண்டவர்களாக இருந்தால் இறைவன் மீதே நம்பிக்கை கொள்ளுங்கள். (அல்குர்ஆன் : 5;23)

உண்மையான தவக்குல் உள்ளவர்களை அல்லாஹ் நிச்சயம் கைவிடுவதில்லை.

"مَن سرَّه أن يكون أقوى الناس، فليتوكل على الله، ومَن توكل على الله واعتمد عليه وأحسن الصلة بالله، حفظه الله ورعاه

மக்களிலேயே பலம் மிக்கவராக ஆக வேண்டும் என்று யார் ஆசைப்படுகிறாரோ அவர் அல்லாஹ்வின் மீதே நம்பிக்கை கொள்ளட்டும். அல்லாஹ்வின் மீது நம்பிக்கை கொண்டு அவனையே யார் சார்ந்திருக்கிறாரோ அவரை அல்லாஹ் பாதுகாத்து விடுவான் என சூஃபியாக்கள் கூறுவார்கள்.

இதற்கு இப்ராஹீம் அலை அவர்களே சிறந்த உதாரணம்

عَنِ ابْنِ عَبَّاسٍ، قَالَ: " كَانَ آخِرَ قَوْلِ إِبْرَاهِيمَ حِينَ أُلْقِيَ فِي النَّارِ: حَسْبِيَ اللَّهُ وَنِعْمَ الوَكِيلُ (صحيح البخاري4564 -)

نِعْمَ الْمَوْلَى وَنِعْمَ النَّصِيرُ

இப்ராஹீம் (அலை) அவர்கள் நெருப்பில் எறியப்பட்டபோது, ‘எனக்கு அல்லாஹ்வே போதுமானவன்; அவனே பொறுப்பேற்றுக் கொள்வோரில் சிறந்தவன்’ (ஹஸ்பியல்லாஹ் வநிமல் வக்கீல்) என்பதே அவர்களின் கடைசி வார்த்தையாக இருந்தது. (புகாரி: 4564)

 

4. கடன் வாங்காமல் இருப்பது.

கடனாளிகளுக்கு பகல் நேரத்தில் கடன் கொடுத்தவன் வந்து விடுவானே அவனுக்கு பதில் சொல்ல வேண்டுமே என்ற அச்சம் இருக்கும், இரவு நேரத்தில் வாங்கிய கடனை அடைக்க வேண்டுமே என்ற கவலை இருக்கும். ஆக மொத்தத்தில் வாழ்க்கையில் நிம்மதி போய் விடும்.

 

لا تُخيفوا أنفسكم بعد أمنها ) قالوا : وما ذاك يارسول الله ؟ قال : ( الدين

உங்களை நீங்களே பயமுறுத்த வேண்டாம் என்று நபி ﷺ அவர்கள் அவர்கள் கூறிய போது அது என்னவென்று கேட்கப்பட்டது. அது தான் கடன் என்றார்கள். (அத்தர்கீர் வத்தர்ஹீப் :3/44)

மனித வாழ்வின் நிம்மதியை கெடுப்பதில் அமைதியைப் பறிப்பதில் கடனுக்கு முதல் இடம் உண்டு.

أنَّ رَسولَ اللَّهِ صَلَّى اللهُ عليه وسلَّمَ كانَ يَدْعُو في الصَّلَاةِ: اللَّهُمَّ إنِّي أعُوذُ بكَ مِن عَذَابِ القَبْرِ، وأَعُوذُ بكَ مِن فِتْنَةِ المَسِيحِ الدَّجَّالِ، وأَعُوذُ بكَ مِن فِتْنَةِ المَحْيَا، وفِتْنَةِ المَمَاتِ، اللَّهُمَّ إنِّي أعُوذُ بكَ مِنَ المَأْثَمِ والمَغْرَمِ فَقَالَ له قَائِلٌ: ما أكْثَرَ ما تَسْتَعِيذُ مِنَ المَغْرَمِ، فَقَالَ: إنَّ الرَّجُلَ إذَا غَرِمَ، حَدَّثَ فَكَذَبَ، ووَعَدَ فأخْلَفَ

நபி ﷺ அவர்கள் தொழுகையில் துஆ செய்யும்போது "யா அல்லாஹ்! உன்னிடம் பாவத்தை விட்டும், கடனை விட்டும் பாதுகாவல் தேடுகின்றேன்” என்று கூறுவார்கள். (இதையறிந்த) ஒருவர், "அல்லாஹ்வின் தூதரே! தாங்கள் கடன் படுவதிலிருந்து இவ்வளவு அதிகமாக பாதுகாப்பு தேடுவதற்கு காரணம் என்ன?” என்று கேட்டார். அதற்கு நபியவர்கள் மனிதன் கடன் படும் போது பொய் பேசுகின்றான், வாக்குறுதி அளித்து அதற்கு மாறு செய்கின்றான் என்று பதிலளித்தார்கள். (புகாரி : 832)

இதை நாம் இன்றைக்கு கண்கூடாகவே பார்க்கிறோம்.கடன் வாங்கி விட்டு அதை திருப்பிக் கொடுக்க முடியாமல் கடன் கொடுத்தவரை சமாளிக்க முடியாமல் தினம் தினம் ஓடி ஒளிந்து கொண்டிருக்கிறார்கள். மன அழுத்தத்தின் உச்சத்திற்கு சென்று இதனால் இன்று பலர் தற்கொலை செய்கிறார்கள்.

இஸ்லாம் கூறிய இந்த விஷயங்களைப் பின்பற்றி மன அழுத்தத்திலிருந்து பாதுகாப்புப் பெற அல்லாஹ் அருள் புரிவானாக!